Promovimi i përdorimit të gjuhëve zyrtare në Kosovë ka mbështetjen e duhur

Prishtinë,17 dhjetor 2013 – Ministrja e Integrimit Evropian, Vlora Çitaku morri pjesë  në tryezën e  rrumbullakët  për rolin dhe promovimin e përdorimit  të gjuhëve zyrtare në  Kosovë ku me këtë rast u nda edhe çmimi për punimin më të mirë gazetaresk për tregimin më të mirë në aspektin e respektimit të gjuhëve.

Kjo  ngjarje koincidon me mbylljen  e një projekti  gjashtë mujor “Fushata për vetëdijesimin e publikut  në mbështetje të zbatimit efektiv të Ligjit për përdorimin e gjuhëve, i cili promovon të drejtat e njeriut dhe kontribuon në përfshirjen e komuniteteve  jo shumicë” projekt  ky i mbështetur nga programi i Kombeve të Bashkuara  për Zhvillim në Kosovë UNDP.

Qëllimi i kësaj fushate ka qenë rritja e vetëdijesimit të publikut,  me theks të vaçantë komunitetit jo-shumicë në Kosovë,  mediat, institucionet lokale dhe qendrore, lidhur me përdorimin e pabarabartë  të gjuhëve në vendet e punës , përkthimi i projekt legjistlacionit,  dhe atyre të miratuara në përfshirjen e komuniteteve jo-shumicë dhe në promovimin e të drejtave të njeriut.

Gjatë kësaj tryeze,  prezantuesit  kanë paraqitur rezultatet  e  deritanishme të punës  së Zyrës së Komisionerit për Gjuhët,  planet për vitin 2014, dhe detajet për rolin e këtij institucioni në përmirësimin e pozitës së të gjitha komuniteteve dhe përshpejtimin e procesit të integrimit Evropian.

Last modified: 15 Gusht, 2022