Ministrja Çitaku priti në takim ministrin Buja dhe ministrin Jevtić

Prishtinë, 29 prill. 2014 – Ministrja e Integrimit Evropian, Vlora Çitaku, ka mbajtur sot një takim të përbashkët me Ministrin e Arsimit Shkencës dhe Teknologjisë, z. Ramë Buja dhe Ministrin për Komunitete dhe Kthim, z. Dalibor Jevtić për të diskutuar mundësitë e Shfrytëzimit sa më efikas të fondeve të BE-së, me qëllim targetimin sa më efikas të kërkesave të pjesetarëve të komuniteteve Rom, Ashkali dhe Egjiptas.

Në këtë kontekst më në detaje u diskutua agjenda për komunitetet Rom, Ashkali dhe Egjiptian që është intnesifikuar kohëve të fundit në kuadër të procesit të integrimit Evropian. Poashtu, gjatë takimeve dhe kontakteve të ndryshme me perfaqësuesit  e komuniteteve Rom, Ashkali dhe Egjiptian. Jemi njoftuar për projekte të ndryshme të cilat janë duke u realizuar, në veçanti ato të BE-së që kanë për synim targetimin e kërkesave të komuniteteve Rom, Ashkali dhe Egjiptian. Në këtë kontekst, BE-ja tani e disa vite ka 2 projekte të cilat i implementon për komunitetet R.A.E. Pra, Projekti “EU-Community Stabilisation Programme” dhe “EU Support for the Implementation of the RAE Strategy – Education for integration (SIMRAES)”.

Gjatë takimit ministrja Çitaku tha se “është në interesin e të gjithëve që të përmbushim kriteret që kërkon BE-ja për integrim, sepse integrimi evropian i Kosovës bëhet duke respektuar dhe përkrahur  të drejtat  e çdo komuniteti që jeton në Kosovë, Qeveria e Republikës së Kosovës mbetet e përkushtuar në përshpejtimin e zbatimit të aktiviteteve dhe objektivave të Strategjisë dhe Planit të Veprimit, që ka për qëllim përmirësimin e jetës së komuniteteve  Romë, Ashkali dhe Egjiptianë, si qytetarë të barabartë të Kosovës,  prandaj duhemi angazhuar sa më shumë për thellimin e bashkëpunimit për shfrutëzim sa më racional të fondeve të BE-së me qëllim të targetimit të komuniteteve Rom, Ashkali dhe Egjiptas”.

Ndërsa dy ministrat falënderuan Ministren Çitaku për ftesën për takim, duke  shprehur  gatishmërin e tyre  për të bashkëpunuar sa më shumë në mënyrë që realizimi dhe efektet e përkrahjes ndërkombëtare të jenë sa më evidente dhe të menaxhohen sipas agjendës së paraparë.

Last modified: 12 Gusht, 2022