Ministri Çollaku: Qeveria e Kosovës do t’i jep shtytje të re punësimit dhe agjendës evropiane

Bruksel, 10 shkurt 2015 – Ministri i Integrimit Evropian, Bekim Çollaku, sot morri pjesë në një diskutim në Qendrën e Politikës Evropiane në Bruksel ku prezentoi për zhvillimet aktuale në Kosovë dhe çështjet kyçe për zhvillimin e vendit tonë.

Në këtë debat publik, Ministri Çollaku ndër të tjera diskutoi edhe nënshkrimin e Marrëveshjes së Stabilizim Asociimit (MSA) me BE-në dhe përfundimin e procesit të liberalizimit të vizave. Ministri kosovar i integrimit Evropian u fokusua edhe në vazhdimin e bisedimeve të nivelit të lartë për normalizimin e marrëdhënieve ndërmjet Kosovës dhe Serbisë si dhe zbatimin e marrëveshjes së Brukselit të vitit 2013. Temë e posaçme ishte edhe trajtimi i nivelit të papunësisë dhe pakënaqësive sociale, si dhe rritja e luftës kundër korrupsionit për të inkurajuar investimet e jashtme, plani i qeverisë për zhvillim ekonomik dhe hapat tjerë që duhet ndërmarrë për të shtyrë përpara reformat e gjithanshme.

Ministri Çollaku me theks të veçantë foli për prioritetet e Qeverisë së re, zhvillimim ekonomik dhe krijimin e vendeve të reja të punës. Ndërsa një vëmendje e konsideruar iu kushtua çështjes së migrimit të parregullt dhe masave të shtuara insititucionale që janë duke u ndërmarrë për të ndaluar ketë dukuri të dhimbshme dhe negative për shoqërinë tonë.

Ministri u shpreh se: ”Fokusi i qeverisë për zhvillim ekonomim pritet të zbutë shkallën e papunësisë. Ka ende nevojë për përmirësimin e mëtejshëm të mjedisit të të bërit biznes. Nga këndvështrimi ynë, ne duam të përmirësojmë atë duke forcuar më tej gjyqësorin, adresimin e të drejtave të pronësisë, zbatimin e kontratave, por edhe duke vazhduar për të shkurtuar burokracinë dhe thjeshtimin e rregullave për ngritjen e bizneseve. Këtë vit ne jemi të fokusuar në përfundimin e dy proceseve kyçe që do të ankorojnë Kosovën në rrugën e integrimit në BE e ato janë MSA dhe liberalizimi i vizave.”

Në përmbyllje, ministri Çollaku ripërsëriti atë që nuk ka dyshim se Kosova ka një potencial të madh për transformimin. Dhe se, BE-ja ndër të tjera duhet të fillojë ta shoh Kosovën dhe rajonin si një zonë të interest për tregti, investime dhe mundësi të biznesit.

Last modified: 12 Gusht, 2022