Grupi punues sektorial për koordinimin e donatorëve në transport dhe infrastrukturë

Prishtinë, 5 dhjetor 2012. – U mbajt takimi i grupit punues sektorial për koordinimin e donatorëve në Transport dhe Infrastrukturë.  Në takim morën pjesë donatorët të cilën përkrahin këtë sektor si dhe zyrtarë nga MI, MZHE, Zyra e Rregullatorit të Energjisë, Agjencia për Efiçiencën e Energjisë, Agjencia për Mbojtjen nga Rrezatimi në Kosovë dhe MIE.

Qëllimi i takimit ishte prezantimi i zhvillimeve të fundit dhe të arriturat në sektorin e energjisë, gjegjësisht zhvillimi i burimeve të energjisë së ripërtëritshme dhe efiçienca e energjisë si dhe dekomisionimi i TC Kosova A.

Ndërsa në sektorin e transportit u prezantuan zhvillimet në kornizën legjislative dhe strategjisë, zbatimi i aktiviteteve mbi sigurinë rrugore dhe sfidat si dhe zhvillimi i sektorit hekurudhor dhe sfidat.

Përveç prezantimit mbi zhvillimet e fundit në këto fusha, zyrtarët nga institucionet e lartëpërmendura shpalosën edhe prioritetet për vitin 2013, që kërkojnë financim nga donatorët.

Donatorët prezantuan aktivitetet e tyre të reja, gjegjësisht projektet që do të fillojnë në vitin 2013 dhe u zotuan se do të vazhdojnë me përkrahjen e tyre në bashkëpunim të ngushtë me institucionet.

Në takim gjithashtu u diskutua edhe për përparësitë dhe dobësitë e deritanishme të grupeve punuese sektoriale dhe nën-sektoriale. Në këtë aspekt, donatorët kërkuan që të vazhdohet me mbajtjen e rregullt të grupeve punuese sektoriale dhe nën-sektoriale. Ndërkaq, MI dhe MIE siguruan donatorët që mekanizmi për koordinimin e donatorëve do të respektohet nga të gjithë dhe do të përmirësohen dobësitë kudo që janë  hasur.

Prej datës 19 nëntor 2012, ka filluar  raundi i dytë i mbajtjes së grupeve punuese sektoriale, për vitin 2012, ku këto takime kanë për qëllim që të informojnë komunitetin e donatorëve për zhvillimet që kanë ndodhë në secilin sektor gjatë vitit 2012 si dhe shpalosjen e prioriteteve që kërkojnë përkrahjen e donatorëve, për vitin 2013 e tutje.

Last modified: 16 Gusht, 2022