Integrimi Evropian

Integrimi Evropian

Estonia mbështet fuqishëm liberalizimin e vizave, MSA-në dhe anëtarësimin e Kosovës në UNESCO

8 Tetor, 2015

Talin, 8 tetor 2015 – Ministri i Integrimit Evropian, z. Bekim Çollaku, është takuar sot në Talin me Ministren e Punëve të Jashtme të Estonisë, znj. Marina Kaljurand.

Ministri Çollaku e falënderoi ministren Kaljurand për mbështetjen që Estonia i ka dhënë Kosovës në shumë sfera, me theks të veçantë përmes prezencës dhe kontributit në misionin e KFOR-it dhe EULEX-it si dhe për përkrahjen ndaj agjendës evropiane të Kosovës.

Lidhur me agjendën evropiane, ministri Çollaku e njoftoi më në detaje ministren Kaljurand rreth progresit të arritur, duke nënvizuar se  “Obligimet janë përmbushur dhe tani presim konkretizimin e punës sonë në drejtim të nënshkrimit të Marrëveshjes së Stabilizim Asociimit (MSA) si dhe rekomandimin pozitiv për procesin e liberalizimit të vizave për qytetarët e Kosovës”.

Po ashtu ministri Çollaku, ka përsëritur qëndrimin se çelës i stabilitetit dhe zhvillimit në Kosovë dhe rajon është integrimi i vendeve të Ballkanit Perëndimor në Bashkimin Evropian dhe NATO.

Më tej ministri ka deklaruar se Kosova do të ndjek shembullin e Estonisë për integrim në BE dhe në NATO.

Ministrja Kaljurand, përgëzoi ministrin Çollaku, për progresin që ka bërë Kosova në drejtim të agjendës evropiane si dhe për vendimet e institucioneve të Kosovës të cilat përbëjnë një hap të rëndësishëm në rrugën Euro-Atlantike të Kosovës.

Kryediplomatja estoneze rikonfirmoi, qëndrimin mbështetës të shtetit të saj në nënshkrimin e Marrëveshjes së Stabilizim Asociimit dhe liberalizimit të vizave si dhe përkrahje të fuqishme ndaj procesit të anëtarësimit të Kosovës në UNESCO dhe organizata të tjera ndërkombëtare.

Gjatë takimit palët u dakorduan mes tjerash edhe për forcimin e bashkëpunimit mes të dyja vendeve sidomos në fushën e inovacionit dhe qeverisjes elektronike, segment ky në të cilin Estonia vazhdon të mbetet vend model.

Gjatë vizitës në Talin, ministri i Integrimit Evropian, z. Bekim Çollaku ka zhvilluar edhe takime të tjera me zyrtarë të lartë të këtij shteti.

 

Last modified: 11 Gusht, 2022

3 Responses to " Estonia mbështet fuqishëm liberalizimin e vizave, MSA-në dhe anëtarësimin e Kosovës në UNESCO "

  1. Residual income thotë:

    … [Trackback]

    […] Info on that Topic: integrimievropian.rks-gov.net/estonia-mbeshtet-fuqishem-liberalizimin-e-vizave-msa-ne-dhe-anetaresimin-e-kosoves-ne-unesco/ […]

  2. … [Trackback]

    […] Find More on to that Topic: integrimievropian.rks-gov.net/estonia-mbeshtet-fuqishem-liberalizimin-e-vizave-msa-ne-dhe-anetaresimin-e-kosoves-ne-unesco/ […]

  3. … [Trackback]

    […] Find More to that Topic: integrimievropian.rks-gov.net/estonia-mbeshtet-fuqishem-liberalizimin-e-vizave-msa-ne-dhe-anetaresimin-e-kosoves-ne-unesco/ […]

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *