Integrimi Evropian

Integrimi Evropian

Diskutohen reformat në arsim, politikat sociale dhe inovacion

5 Korrik, 2013

Prishtinë, 05 Korrik 2013 – Nën organizimin e Ministrisë së Integrimit Evropian (MIE) dhe Ministrisë së Punës dhe Mirëqenies Sociale (MPMS) u mbajt takimi i Komisionit Ekzekutiv për Integrim Evropian në fushën e “Inovacioni, Shoqëria Informative, Politikat Sociale, Arsimi dhe Kultura”.

Takimi u organizua si veprim pasues i takimit të Dialogut të Procesit të Stabilizim Asociimit, të mbajtur me 30-31 Maj, me Komisionin Evropian për të shqyrtuar hapat e radhës drejt adresimit të sfidave kyçe të sektorëve.

Në fushën e mbrojtjes dhe promovimit të trashëgimisë kulturore, institucionet u dakorduan për hapat e radhës drejt implementimit efikas të ligjeve për Qendrën historike të Prizrenit dhe Hoqën e Madhe, përfshirë këtu edhe draftimin e legjislacionit të nevojshëm sekondar dhe funksionalizimin e Këshillave Drejtues komunal dhe ndërmarrjen e aktiviteteve të përbashkëta vetëdijësuese midis institucioneve qendrore dhe komunave përkatëse të Rahovecit dhe Prizrenit.

Në funksion të zhvillimit të mëtutjeshëm legjislativ dhe në pajtim me kërkesat e BE-së, institucionet janë në proces të plotësimit dhe avancimit të bazës ligjore në fushën e komunikimeve elektronike dhe shoqërisë informative.  Ndër të tjera, u theksua se tashmë është duke u punuar në draftimin e ligjit për kalimin nga transmetimi analog në digjital, dhe ligjit për e-qeverisjen.

Sa i përket punësimit dhe mirëqenies sociale, institucionet diskutuan për kornizën legjislative në këtë fushë me ç’rast u theksua se janë në procedurë të draftimit dhe aprovimit Draft Ligji për Skemat Pensionale, Draft Ligji për Organizimin dhe Funksionimin e Shërbimeve Publike të Punësimit, dhe Ndryshim-Plotësimi i Ligjit të Punës. Po ashtu, në takim u diskutua edhe për zhvillimet e fundit në draftimin e Strategjisë Sektoriale të Punësimit dhe për implementimin e Strategjisë për Decentralizimin e Shërbimeve Sociale 2013-2017.

Në fushën e arsimit, aftësimit Profesional dhe shkencës, është rekomanduar rishikimi i Planit Strategjik të Arsimit të Kosovës 2011-2016 me qëllim të harmonizimit dhe sinkronizimit me dokumentet strategjike 2020 të BE-së dhe programimin e asistencës së BE-së. Po ashtu, në takim u diskutuan edhe Draft Plani i Veprimit për Zbatimin e Ligjit për Arsimin dhe Aftësimin Profesional, prioritetet, investimet dhe ndarjet buxhetore për programe dhe nën-programe të arsimit. Pjesëmarrësit janë njoftuar se Draft Ligji për Veprimtari Kërkimore, Shkencore, Inovacione dhe Teknologji tashmë është aprovuar nga Kuvendi i Republikës së Kosovës.

Pjesëmarrësit u dakorduan që në të ardhmen të intensifikojnë konsultimet me Komisionin Evropian gjatë draftimit të legjislacionit.

Informatë e përgjithshme:

Komisionet Ekzekutive janë trupa ndërqeveritarë që shërbejnë si forumet e ekspertëve për të siguruar koordinim ndërinstitucional në kuadër të reformave të parapara me agjendën evropiane.

Janë gjithsejtë shtatë Komisione Ekzekutive:

– Drejtësia, Liria dhe Siguria;
– Inovacioni, Shoqëria Informative, Politikat Sociale, Arsimi dhe Kultura;
– Tregtia, Industria, Dogana dhe Tatimi;
– Tregu i brendshëm, Konkurrenca, Mbrojta e Konsumatorit dhe Shëndetit;
– Bujqësia, Peshkataria, Pylltaria, Siguria e Ushqimit;
– Transporti, Mjedisi, Zhvillimi Rajonal;
– Çështjet Ekonomike dhe Financiare, Statistikat.

Komisionet Ekzekutive për punën e tyre raportojnë Komiteti Punues për Integrim Evropian.

Last modified: 16 Gusht, 2022

6 Responses to " Diskutohen reformat në arsim, politikat sociale dhe inovacion "

  1. … [Trackback]

    […] Find More on to that Topic: integrimievropian.rks-gov.net/diskutohen-reformat-ne-arsim-politikat-sociale-dhe-inovacion/ […]

  2. … [Trackback]

    […] Find More here on that Topic: integrimievropian.rks-gov.net/diskutohen-reformat-ne-arsim-politikat-sociale-dhe-inovacion/ […]

  3. … [Trackback]

    […] There you will find 72401 additional Info on that Topic: integrimievropian.rks-gov.net/diskutohen-reformat-ne-arsim-politikat-sociale-dhe-inovacion/ […]

  4. vigrx thotë:

    … [Trackback]

    […] Info to that Topic: integrimievropian.rks-gov.net/diskutohen-reformat-ne-arsim-politikat-sociale-dhe-inovacion/ […]

  5. Dnabet.com thotë:

    … [Trackback]

    […] Find More Information here to that Topic: integrimievropian.rks-gov.net/diskutohen-reformat-ne-arsim-politikat-sociale-dhe-inovacion/ […]

  6. disana deken thotë:

    … [Trackback]

    […] Information to that Topic: integrimievropian.rks-gov.net/diskutohen-reformat-ne-arsim-politikat-sociale-dhe-inovacion/ […]

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *