Mbahet takimi i tetë i Komitetit Punues për Integrim Evropian

Në fushën e sundimit të ligjit, u diskutua vazhdimi i reformave në sektorin gjyqësor dhe zgjidhja e rasteve të grumbulluara në gjykata, si dhe çështja e harmonizimit të statistikave ndërmjet Policisë së Kosovës, Këshillit Prokurorial të Kosovës, Agjencisë Kundër Korrupsionit dhe Këshillit Gjyqësor të Kosovës. Policia e Kosovës dhe Agjencia Kundër Korrupsionit informuan pjesëmarrësit për numrin e rasteve në kuadër të luftes kundër korrupsionit. Poashtu, u diskutua amandamentimi i pakos legjislative të gjyqësorit me ç’rast pjesëmarrësit u dakorduan për mosndryshimin e kompetencave të Prokurorisë Special të EULEX-it. Strategjia e re Kundër Korrupsionit është në fazen finale të përgatitjes ku drafti përfundimtar i Strategjisë do të diskutohet me të gjtiha palët e interesit dhe deri në mesin e muajit nëntor do të miratohet në Qeveri.

Në fushen e administrates publike, është në fazen finale miratimi i tre akteve sekondare për zbatimin e legjislacionit për sherbimin civil dhe paga. Sa i përket buxhetit dhe hapësirave të Avokatit të Popullit, për vitin 2013 është ndarë buxheti për Avokatin e Popullit, në harmoni me kërkesat e Avokatit të Popullit, ndërsa Ministria e Administrates Publike është në fazen finale të përgatitjes së listes së objektave që do të janë në dispozicion pas ndërtimit të Pallatit të Drejtësisë.

Në fushen e mbrojtjes së minoriteteve, Ministria e Kultures, Rinisë dhe Sportit njoftoj pjesëmarrësit për zhvillimet e fundit sa i përket funksionalizimit të trupit të përbashkët për promovimin dhe mbrojtjen e trashëgimisë kulturore. Trupi i përbashkët pritet të themelohet deri në fund të këtij viti.

Sa i përket fushës së tregtisë, është në përfundim të sipër finalizimi i ri-strukturimit të Ministrisë së Tregtisë dhe Industrisë dhe njëkohësisht MTI do të përgatit dëri në fund të këtij muaji analizen e ndikimit të aspekteve tregtare të Marrëveshjes së Stabilizim Asociimi.

Informatë e përgjithshme:

Komitetit Punues për Integrim Evropian është forum i përhershëm i cili udhëhiqet nga Ministrja e Integrimit Evropian dhe marrin pjesë udhëheqës më të lartë administrativ të institucioneve shtetërore. Roli i takimeve të Komitetit Punues është të siguroj koordinim të mirëfilltë të agjendës Evropian në nivelin më të lartë administrativ.