U.D. Ministri Kasapolli priti në takim përfaqësuesin e UNDP’s Andrew Russell

Prishtinë, 30 korrik 2014 – Ushtryesi i Detyrës së Ministrit të Integrimit Evropian Z. Gëzim Kasapolli priti në takim Z. Andrew Russell, përfaqësues i Programit Zhvillimor të Kombeve të Bashkuara (UNDP), me seli në Kosovë. Temë e bisedës ishte Partneriteti – vazhdimi i koordinimit të mëtutjeshëm mes UNDP dhe MInistrisë së Integrimeve Evropiane. Në takim me Z. Russell, U.D. Ministri Kasapolli foli për zhvillimet më të fundit në Kosovë, proceset aktuale në raport me integrimin Evropian siç janë; inicializimi i marrëveshjes së Stabilizim Asociimit (MSA), zhvillimet në procesin e ndërtimit të institucioneve të dala nga zgjedhjet e lira dhe demokratike, progresin e arritur në integrimin e Komuniteteve Rom, Ashkali dhe Egjiptian në Kosovë si dhe zbatimin e Strategjisë. Z. Kasapolli e falëndëroi Z. Russell për përkuhstimin për të koordinuar aktivitetet në mënyrë që të gjtha prioritetet si ato të Qeverisë së Kosovës por edhe të tjera të arrijnë zbatueshmërinë. Poashtu Z. Kasapolli ishte mirënjohës për kontributin që ka dhënë UNDP si partner serioz në MIE si dhe në të gjithë Kosovën që nga paslufta. Nga ana e tijë Z. Russell ishte mirënjohës për përkushtimin e institucioneve të Kosovës për ti kontribuar zhvillimit të pëgjithshëm shoqërorë dhe posaqërisht integrimin e të gjitha komuniteve në shoqëri, sfidë kjo që ballafaqohen të gjitha shtetet anembanë. – See more at: https://www.mei-ks.net/sq/lajmet-mei/ud-ministri-kasapolli-priti-ne-takim-perfaqesuesin-e-undp146s-andrew-russell#sthash.93nSrtTI.dpuf

Last modified: 12 Gusht, 2022