Integrimi Evropian

Integrimi Evropian

Takim dhe konferencë e përbashkët e ministrit Çollaku me ministrin e Francës dhe Gjermanisë

22 Prill, 2016

Prishtinë, 22 prill 2016 – Deklarata e plotë e Ministrit të Integrimit Evropian, z. Bekim Çollaku gjatë konferencës për media që e mbajti sot së bashku me ministrin e Shtetit për Çështjet Evropiane të Francës, z Harlem Desir dhe ministrin e Shtetit për Evropë të Gjermanisë, z Michael Roth:

Është një kënaqësi e jashtëzakonshme që sot kemi në mesin tonë mysafirët tanë të nderuar, Ministrin për Evropë të Gjermanisë, z Michael Roth, dhe Sekretarin e Shtetit për Çështjet Evropiane të Francës, z Harlem Desir. Unë e çmoj lartë dhe mirëpres vëmendjen që Franca dhe Gjermania po i kushtojnë zhvillimeve në Kosovë por edhe në rajon.

Të nderuar kolegë, vizitat tuaja në Republikën e Kosovës janë gjithmonë të mirëseardhura, dhe në këtë rast vizita juaj vjen në kohë shumë të qëlluar. Vendi ynë gjendet në një moment të rëndësishëm të agjendës të integrimit në BE, tani që MSA ka hyrë në fuqi, dhe që procesi i liberalizimit të vizave është afër përfundimit të tij. Gjithashtu, kjo është një kohë e rëndësishme për rajonin në tërësi, ku shohim se bashkëpunimi rajonal është gjithnjë në rritje, përfshirë edhe përgatitjet që po bëhen për Samitin e radhës së Ballkanit Perëndimor që këtë vit do të mbahet në Paris.

MSA, liberalizimi i vizave dhe bashkëpunimi rajonal kanë qenë temat kryesore të shkëmbimit tonë sot, si dhe në diskutimet e djeshme në takimet me Presidentin Thaçi dhe Kryeministrin Mustafa.

Kemi folur rreth hyrjes në fuqi të Marrëveshjes së Stabilizim Asociimit këtë muaj dhe kemi diskutuar se si ne mund të shfrytëzojmë më së miri këtë instrument për të avancuar përpara reformat, dhe për të sjellë Kosovën më afër anëtarësimit në BE. Përveç kësaj, kam përdorur këtë mundësi për t’i prezantuar drejtpërdrejt z. Desir dhe z. Roth punën që kemi vënë në përmbushjen e të gjitha kritereve të procesit të liberalizimit të vizave, si dhe kam kërkuar mbështetjen e tyre për të përfunduar këtë proces së shpejti. Gjithashtu, kam përsëritur zotimin tonë se do të vazhdojmë t’i përmbahemi detyrimeve të përcaktuara në udhërrëfyes.
I kemi kushtuar vëmendje të veçantë edhe çështjeve që kanë të bëjnë me bashkëpunimin rajonal, që përbën një komponentë të rëndësishme të procesit të integrimit në BE.

Në këtë kontekst, kemi prekur edhe temën e dialogut të lehtësuar nga BE për normalizimin e marrëdhënieve mes Kosovës dhe Serbisë. Unë theksova përkushtimin tonë për këtë proces duke nënvizuar pikëpamjen tonë se zbatimi i marrëveshjeve të arritura deri më tani është e rëndësisë kyçe për të lëvizur këtë proces përpara; me qëllim të arritjes së një rezultati përfundimtar të një marrëveshje ligjërisht obligative që siguron se të dy vendet mund të arrijnë aspiratat e tyre drejtë antarësimit në BE.

Dhe në fund, si çështje tjetër e rëndësishme, diskutuam edhe rreth përgatitjeve për samitin e ardhshëm të Ballkanit Perëndimor, që  do të mbahet në Paris në korrik. Ky është një moment kyç i radhës që rrjedh nga procesi i Berlinit dhe seria e takimeve të nivelit të lartë të gjashtë vendeve të Ballkanit perëndimor. Ky do të jetë një takim i rëndësishëm dhe ne kemi gatishmërinë e plotë të japim kontributin tonë. Një nga rezultatet që ne shpresojmë të arrijmë bashkërisht është krijimi i një Zyre Rajonale për Bashkëpunim Rinor që do të sjellë një nivel tjetër thelbësor të ri të bashkëpunimit rajonal.

Me lejoni të përfundoj duke thënë se si dy shete anëtare themeluese të BE-së dhe promovuese të vlerave evropiane, Gjermania dhe Franca përfaqësojnë shembullin e përsosur se si duhet kapërcyer problemet e së kaluarës dhe si duhet lëvizur drejt një të ardhme të përbashkët. Ne synojmë të marrim në konsideratë këtë mesazh që këto vende sjellin për Kosovën dhe gjithë rajonin.

Ju faleminderit!

 

Last modified: 10 Gusht, 2022

6 Responses to " Takim dhe konferencë e përbashkët e ministrit Çollaku me ministrin e Francës dhe Gjermanisë "

  1. … [Trackback]

    […] Find More on on that Topic: integrimievropian.rks-gov.net/takim-dhe-konference-e-perbashket-e-ministrit-collaku-me-ministrin-e-frances-dhe-gjermanise/ […]

  2. … [Trackback]

    […] Read More on that Topic: integrimievropian.rks-gov.net/takim-dhe-konference-e-perbashket-e-ministrit-collaku-me-ministrin-e-frances-dhe-gjermanise/ […]

  3. … [Trackback]

    […] Read More on to that Topic: integrimievropian.rks-gov.net/takim-dhe-konference-e-perbashket-e-ministrit-collaku-me-ministrin-e-frances-dhe-gjermanise/ […]

  4. jazz instrumental music

  5. … [Trackback]

    […] Here you can find 24164 more Info to that Topic: integrimievropian.rks-gov.net/takim-dhe-konference-e-perbashket-e-ministrit-collaku-me-ministrin-e-frances-dhe-gjermanise/ […]

  6. … [Trackback]

    […] Find More on to that Topic: integrimievropian.rks-gov.net/takim-dhe-konference-e-perbashket-e-ministrit-collaku-me-ministrin-e-frances-dhe-gjermanise/ […]

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *