Integrimi Evropian

Çollaku takohet me delegacionin e Komisionit për Çështje Evropiane nga landi Nordrhein Westfalen i Gjermanisë

25 Prill, 2016

Prishtinë, 25 prill 2016 – Ministri i Integrimit Evropian, z. Bekim Çollaku, priti sot në takim një Delegacion me anëtarë të Parlamentit Shtetëror të landit- Nordrhein Westfalen të Gjermanisë, njëkohësisht anëtarë të Komisionit parlamentar për çështje evropiane  i kryesuar nga z. Nicolaus Kern, kryetar i këtij komisioni.

Ministri Çollaku ka falënderuar delegacionin gjerman për mbështetjen e vazhdueshme që Gjermania i ka ofruar Kosovës në të gjitha fushat duke ndikuar në zhvillim, politik e socio-ekonomik të vendin.

Ministri Çollaku ka diskutuar me deputetët e këtij delegacioni  për fillimin e zbatimit të Marrëveshjes së Stabilizim Asociimit dhe ka nënvizuar se institucionet në vend janë të përkushtuara për implementim të saj brenda afateve të parapara.

Duke u nisur nga potencialin ekonomik që ka landi Nordrhein Westfalen i Gjermanisë, bashkëbiseduesit kanë nënvizuar nevojën e thellimit të bashkëpunimit ekonomik duke ofruar përkrahjen për tërheqje të investitorëve nga ky land.

Gjatë takimit ministri Çollaku ka informuar bashkëbiseduesit edhe për procesin e liberalizimit të vizave duke theksuar se Kosova i ka përmbushur të gjitha kriteret për liberalizim dhe se tani është në pritje të një vendimi meritorë që do tu mundësonte qytetarëve të Kosovës që sa më shpejtë të lëvizin pa viza në shtetet e zonës Schengen.

Po ashtu ministri Çollaku i është përgjigjur interesimit të deputetëve për shumë çështje që lidhen me zhvillimet aktuale në Kosovë.

 

Last modified: 10 Gusht, 2022

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *