Integrimi Evropian

Integrimi Evropian

Qytetarët Kosovarë, në Francë janë bërë nacionaliteti i dytë për nga numri i kërkesave për azil

23 Korrik, 2013

Prishtinë, 23 korrik. 2013 – Ministrja e Integrimit Evropian, Vlora Çitaku dhe Ambasadorja Franceze në Kosovë Maryse Daviet mbajtën një konferencë të përbashkët për të demantuar lajmet e fundit të plasuara nëpër mediet locale në kosovë ku thuhet se “Franca jep azil për kosovarët”.

Me këtë rast Ministrja Çitaku dhe Ambasadorja Daviet i’u drejtuan opinionit Kosovarë për të sqaruar se këto informata janë të pasakta dhe nuk qëndrojnë. Që nga viti 2009 Kosova dhe vendet tjera të Ballkanit Perendimor konsiderohën si vende të sigurta, prandaj edhe kërkesat për azil në shtetet e zonës shengen refuzohen për të gjithë.

Ministrja Çitaku tha se: “Franca ka qenë mbështesë e vazhdueshme e Republikës së Kosovës në të gjitha proceset e rëndesishme nëpër të cilat ka kaluar Kosova në dekadën e fundit. Dhe tani, Franca është mbështetëse e fuqishme e Integrimit të Kosovës në BE, dhe procesit të Liberalizimit të Vizave.

Ditëve të fundit është raportuar në media për numër në rritje të azikërkuesve nga Kosova në Francë. Dhe vetëm gjatë këtij viti llogaritet se më shumë se dy mijë qytetarë të Kosovës kanë kërkuar azil në Francë. Poashtu, është raportuar se Franca u ofron azil dhe leje qëndrimi shtetasve të Kosovës, kjo nuk është e vërtetë. Qeveria e Kosovës dhe Qeveria e Francës kanë të nënshkruar marrëveshjen për Ripranim dhe Riintegrim, dhe mbi 98 përqind të kërkesave për azil në Republikën e Francës janë refuzuar. Pra, nuk bëhet fjalë për përgjigje positive për azilkërkuesit nga Kosova.

Ndër të tjera Minsitrja Çitaku tha se: “Çdo muaj në Kosovës riatdhesohen rreth gjashtëdhjetë përsona nga Franca, dhe duhet thënë se procesi i riatdhesimit dhe riintegrimit është duke shkuar shumë mire. Policia e Kosovës me atë të Francës është duke bashkëpunuar për të parandaluar rrjetet e ndryshme kriminale që po e bëjnë trafikimin me qenje njerëzore. Dhe se policia e Kosovës sot ka arrestuar pjesëtarët e një rrjeti kriminal dhe tetë përsona janë në pranga për shkak të përfshirjes së tyre me trafikimin me qenje njerëzore dhe stimulimin e migrimit ilegal.

Nga ana e sajë Ambasadorja Franceze në Kosovë Maryse Daviet i bëri thirrje qytetarëve të Kosovës që të mos bijnë pre e premtimeve të rreme të trafikantëve se do të gjejnë punë. Ajo tha se:” Qytetarët Kosovarë, në Francë janë bërë nacionaliteti i dytë për nga numri i kërkesave për azil. Shumica e tyre kanë hyrë në mënyrë ilegale në Francë. Shumica nga këta kërkues, ose 98 përqind të tyre janë refuzuar, të tjerëve do të ju refuzohet azili për të qëndruar në Francë. Me këtë shtim të numrit të azilkërkuesve është krijuar një situatë kaotike dhe e papranueshme, tha Ambasadorja Daviet.

Ambasadorja Daviet vazhdoi për të thënë se: “Franca ka hapur dyert për Kosovarët në ditët e saja më të vështira gjatë viteve të nëntëdhjeta, kur iknin për të ju shmangur përsekutimit, respresionit që ushtrohej mbi ta. Të njëjtën mundësi Franca e ka dhënë edhe për qytetarët nga Shqipëria që iknin nga persekutimi i rexhimit totalitarë para të nëntëdhjetave, poashtu njejtë është vepruar me njerëzit në të gjithë botën që janë shmangur diktaturave,  përsekutimit fizik, etnik, racial, dhe fetarë që ju e dini se ka vende të shumta që ndodhin këto. Për të qenë më të drejtpërdrejtë, azilkërkuesit nga evropa nuk janë të drejtë sepse nuk ka arsye për të aplikuar për azil politik apo ekonomik sepse nuk ka mundësi të tilla për migruesit ilegal, tha ndër të tjera Ambasadorja Daviet.

Last modified: 16 Gusht, 2022

4 Responses to " Qytetarët Kosovarë, në Francë janë bërë nacionaliteti i dytë për nga numri i kërkesave për azil "

  1. 5.7x28 ammo thotë:

    … [Trackback]

    […] Find More on that Topic: integrimievropian.rks-gov.net/qytetaret-kosovare-ne-france-jane-bere-nacionaliteti-i-dyte-per-nga-numri-i-kerkesave-per-azil/ […]

  2. … [Trackback]

    […] Information on that Topic: integrimievropian.rks-gov.net/qytetaret-kosovare-ne-france-jane-bere-nacionaliteti-i-dyte-per-nga-numri-i-kerkesave-per-azil/ […]

  3. … [Trackback]

    […] Read More Info here on that Topic: integrimievropian.rks-gov.net/qytetaret-kosovare-ne-france-jane-bere-nacionaliteti-i-dyte-per-nga-numri-i-kerkesave-per-azil/ […]

  4. kojic acid soap thotë:

    … [Trackback]

    […] Here you will find 49564 more Information to that Topic: integrimievropian.rks-gov.net/qytetaret-kosovare-ne-france-jane-bere-nacionaliteti-i-dyte-per-nga-numri-i-kerkesave-per-azil/ […]

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *