Qeveria miraton Planin e Veprimit për Marrëveshjen Stabilizim Asociimi 2014

Prishtinë, 27 dhjetor 2013  – Sot, gjatë mbledhjes së rregullt të Qeverisë, është miratuar Plani i Veprimit për Marrëveshjen Stabilizim Asociimi 2014.

Plani i Veprimit për Marrëveshjen e Stabilizim Asociimit paraqet dokumentin kyç strategjik të Qeverisë në rrugën e saj drejt anëtarësimit në BE.

Plani i Veprimit për Marrëveshjen e Stabilizim Asociimit përbëhët nga 355 veprime, implementimi i të cilave do të kontribuon në arritjen e dy objektiva kyçe: (1) përmbushja kritereve afat mesme dhe (2) zbatimi i detyrimeve që do të merren përsipër nga MSA-ja.

Plani i Veprimit për Marrëveshjen e Stabilizim Asociimit është i ndarë në tri pjesë kryesore:

1.    Pjesa narrative përshkruese;
2.    Tabela e veprimeve; dhe
3.    Tabela me kriteret afat – mesme.

Nga ana tjetër, tabela e veprimeve identifikon në menyrë të qartë objektivat që duhet të përmbushen, masat që duhet të zbatohen, institucionet përgjegjëse, afatin e zbatimit dhe koston financiare, në kuadër të 3 kapitujve: (1) kriteret politike; (2) kriteret ekonomike dhe (3) standardet evropiane.

Procesi i përgatitjes së Planit të Veprimit për Marrëveshjen Stabilizim Asociimi ka filluar në tetor 2013 dhe është finalizuar për më pak se tre (3) muaj. Plani i Veprimit mbulon më shumë se 30 fusha të ndryshme të qeverisjes, përbëhët nga 355 veprime prej të cilave shumica të programuara për zbatim gjatë vitit 2014.

Kostoja totale e Planit të Veprimit vlerësojmë të jetë 598 milion EURO, nga të cilat 523 milion nga buxheti i Kosovës dhe 70 milion nga donatorët. Vakumi financiar në vlerë prej 5 milion EURO do të shikohet të mbulohet në periudhën në vijim përmes asistencës së ardhshme të donatorëve.

Gjatë përgatitjes së Planit të Veprimit për Marrëveshjen e Stabilizim Asociimit, nën koordinimin e Ministrisë së Integrimeve Evropiane, janë ofruar të dhëna nga të gjitha institucionet shtetërore. Në bashkëpunim të ngushtë me Zyrën e Kryeministrit dhe Ministrinë e Financave, Plani i Veprimit për Marrëveshjen e Stabilizim Asociimit është harmonizuar me Ligjin për Buxhetin 2014, Planin Vjetor të Punës së Qeverisë për vitin 2014, dhe Strategjinë Legjislative të Qeverisë për vitin 2014.

Duke marrë parasysh rëndësinë e dokumentit, Plani i Veprimit për MSA-në do të dorëzohet në Kuvendin e Republikës së Kosovës për informatë.

Plani i Veprimit në gjuhe shqipe mund të shkarkohet këtu:

Plani i Veprimit në gjuhë serbe mund të shkarkohet këtu:

Plani i Veprimit në gjuhe angleze mund të shkarkohet këtu:

Last modified: 15 Gusht, 2022