Ministrja Hoxha takoi Zv Drejtorin e Përgjithshëm për Zgjerimin e BE-së, në Ministrinë e Jashtme të Gjermanisë, Z. Ossowski

Prishtinë, 22 shtator 2017 – Ministrja e Integrimit Evropian, Dhurata Hoxha priti në takim një delegacion nga Gjermania të kryesuar nga sot me Përfaqësuesin Special për Negocim të Kornizës Financiare Shumëvjeçare të BE-së dhe Drejtor për Politikat e BE-së në Ministrinë e Jashtme Gjermane, Ambasadorin Thomas Ossowski, me bashkëpunëtorë.

Në takim u diskutua për projektet e përbashkëta të realizuar gjerë më tani, ato aktuale nëpërmjet projektit të GiZ-it Gjerman. Njëkohësisht u diskutua për thellimin e bashkëpunimit ndërmjet dy vendeve në kontekst të procesit të integrimit Evropian. U theksua rëndësia e implementimit sa më të suksesshëm të Marrëveshjes së Stabilizim Asociimit si një momentum për të kthyer vëmendjen e perëndimit për të përkrahur proceset kyçe për Kosovën. Po ashtu, temë ishte edhe rëndësia e demarkimit të kufirit me Malin e Zi dhe finalizimi i procesit të liberalizimit të vizave.

Me këtë rast, Ministrja Hoxha potencoi se Kosova e çmon përkrahjen e Gjermanisë dhe konsideron se Gjermania është ndër miqtë kryesorë të Kosovës në arenën ndërkombëtare. Po ashtu, Gjermania është kontribuesi kryesor i qëndrueshmërisë dhe zhvillimit të Ballkanit perëndimor.

Ministrja Hoxha po ashtu shprehu vullnetin e Qeverisë së Republikës së Kosovës për të forcuar edhe më tutje bashkëpunimin me Gjermaninë si për të mirën e zhvillimit të Kosovës, ashtu edhe përfarimin e vendit me Bashkimin Evropian.

Nga ana e tij z. Ossowski i konfirmoi Ministres Hoxha vazhdimin e përkrahjes së Gjermanisë për perspektivën evropiane të Kosovës dhe njëkohësisht e përgëzoi për emërimin e saj për të udhëhequr me procesin e integrimit Evropian si një ndër çështjet kyçe që duhet koncentruar vendi.

Last modified: 10 Gusht, 2022