Ministri Çollaku në Gjakovë: Integrimi i Kosovës në BE fillon nga komunat

Gjakovë. 22 janar 2015. Ministri i Integrimit Evropian Bekim Çollaku, në kuadër të vizitave që po u bënë komunave të Kosovës sot vizitoi  Komunën e Gjakovës, ku e priti Kryetarja e kësaj Komune znj Mimoza Kusari-Lila me të cilën ndër të tjera biseduan për procesin e integrimit evropian të Kosovës, proces ky që nga të dy bashkëbiseduesit u cilësua si shumë i rëndësishëm.

Ministri Çollaku në takim me Kryetaren Kusari-Lila kanë biseduar për punën dhe përgjegjësitë që u takojnë këtyre dy institucioneve në raport me procesin e liberalizimit të vizave,me theks të vaçant në takim u bisedua për riintegrimin e personave të riatdhesuar në këtë komunë, në këtë drejtim dy bashkëbiseduesit shprehën  gatishmërinë për bashkëpunim në mënyrë që t’u ofrohen kushte edhe  më të mira të gjithë të kthyerve në këtë komunë.

“Roli i komunave në procesin e integrimit evropian është qenësor dhe i pazëvendësueshëm,prandaj  edhe më tutje duhet ta fuqizojmë bashkëpunimin me komunat në procesin e integrimit evropian, integrimi në Bashkimin Evropian është një process i transformimit të shoqërisë, i evropianizimit të vendit, dhe kjo nuk mund të bëhet nga lartë-poshtë, prandaj integrimi i Kosovës në BE fillon nga Komunat ”

Ministri Çollaku e përgëzoi komunen e Gjakovës për ofrimin e kushteve  për komunitetet me të drejta  të plota në këtë komunë “E përgëzoi komunen e Gjakovës që i ka ndarë 4 hektarë tokë për dhënie në shfrytëzim për ndërtimin  e  shtëpive për komunitetet Romë,Ashkali,dhe Egjiptianë,  si  Ministër dhe Kryesues i Komitetit  Drejtues Ndërministror do të vazhdoj ta mbështes procesin e integrimit të komuniteteve Romë,Ashkali dhe Egjiptianë përmes Strategjisë dhe Planit të Veprimit”tha  ministri Çollaku.

Ndërsa kryetarja e Gjakovës , fillimisht falenderoi ministrin Çollaku për këtë vizitë duke shprehur lartë mundësitë e bashkpunimit me nivelin qendror për ofrimin e kushteve më të mira për  gjithë banorët e kësaj komune.Ajo shprehu bindjen e saj se Kosova do të ketë vendin e saj meritor në familjen e madhe evropiane.

Ndryshe gjatë vitit 2014 në Kosovë janë riatdhesuar 4,610 persona,nga ta 1,258 janë të riatdhesuar në mënyrë vullnetare, përderisa 3,352 personave iu është imponuar riatdhesimi. Në komunen e Gjakovës gjatë vitit 2014 janë ri-pranuar 321 persona

.https://youtu.be/JIF-CvtNnN8

Last modified: 12 Gusht, 2022