Ministri Çollaku adreson liberalizimin e vizave me Sekretarin e Shtetit për Azil, Migracion dhe thjeshtëzimin e çështjeve Administrative të Belgjikës z. Theo Francken

Bruksel, 17 dhjetor 2014 – Ministri Çollaku takoi Sekretarin e Shtetit për Azil , Migracion dhe thjeshtëzimin e çështjeve Administrative të Belgjikës z. Theo Francken. Ministri Çollaku dhe Sekretari i Shtetit z. Francken biseduan për procesin integrues Evropian me fokus në liberalizimin e vizave dhe çeshtje të nderlidhura me këtë proces. Në takim u diskutua veçanërisht rreth problematikës së azilkërkuesve dhe migrimit të paligjshem.

Pas takimit Ministri Çollaku u shpreh: “Biseduam me z. Francken për vazhdimin e shkëlqyeshëm të bashkëpunimit ne mes shtetit Belg dhe Kosovës. E falemnderova për mbështetjen e Belgjikës në të gjitha fushat me pritoritet integrimin Evropian. Sa i përkët çështjes së migrimit ilegal, është me rënedësi të theksohet se për Belgjikën, Kosova është në listën e vendeve të sigurta. Një gjë është e sigurt se streha më e mirë dhe më e sigurt për Kosovarët është Republika e Kosovës.”

Ndërsa nga ana e tij, z. Francken tha: “Kemi bashkëpunim të shkëlqyer ndërmjet Belgjikës dhe Kosovës për kthimin dhe ripranimin e qëndruesve të parregullt nga Kosova. Megjithatë, ne duhet ti kushtojmë vëmendje faktorëve nxitës për njerëzit që dalin nga Kosova. Ne shpresojmë të vazhdojmë bashkëpunimin e mirë me autoritetet e Kosovës për të bërë të vetëdijësuar publikun për rreziqet e pretendimeve të rreme të azilit. Kosova është në listën belge të vendeve të sigurta, që do të thotë se shanset janë shumë të ulëta se kërkesat për azil do të miratohen. “

Last modified: 12 Gusht, 2022