Kosova gëzon përkrahje për anëtarësim në Parlamentin Evropian

Prishtinë, 20 dhjetor. 2012 – Zëvendësministri i Ministrisë së Integrimit Evropian të Republikës së Kosovës Z. Gëzim Kasapolli priti në takime të ndara Delegacionin e Malit të Zi të kryesuar nga z. Branislav Karadzic, Zëvendës Ministër i Ministrisë së Punëve të Jashtme dhe Integrim Evropian, njëkohësisht dhe drejtor gjeneral për çeshtje konsullore dhe Diasporë, si dhe delegacionin nga Sllovenija të kryesuar nga Eurodeputeti z. Alojz Peterle.

Gjatë takimit me Z.Karadzic, Zëvendësministri Kasapolli potencoi zhivllimet e fundit që kanë ndodhur në Kosovë, me theks të veçantë avansimet rreth agjendës Evropiane. Njëkohësisht Z. Kasapolli çmoi lartë bashkëpunimin e vazhdueshëm ndërmjet Kosovës dhe Malit të Zi rreth avansimit drejt Integrimit në Bashkimin Evropian.

Z.Karadzic siguroi z. Kasapolli për mbështetjen që Republika e Malit të Zi do të ofroj për Republikën e Kosovës nga përvoja e sajë me përmbushjen e kritereve për integrim Evropian, duke marrë parasyshë synimin dhe agjendat me prioritet që po ndjekin të dyja vendet për një integrim sa më të shpejte në BE.

Gjatë takimit me Eurodeputetin e Sllovenisë z. Alojz Peterle, Zëvendësministri Kasapolli falemnderoi Z. Peterle dhe Qeverinë Sllovene për gatishmërinë për të ndarë me ne përvojën shumë të sukseshme të Sllovenisë drejt anëtarësimit në Bashkimin Evropian. Poshashtu, duke potencuar se Integrimi Evropian për Kosovën është një ndër prioritetet kyçe që ka vendi.

Eurodeputeti Peterle, siguroi Ministrin Kasapolli se ai dhe Sllovenia do të vazhdojnë të jenë zë i fuqishëm për të përkrahur Kosovën drejt zhvillimit të sajë dhe anëtarësimit të Republikës së Kosovës në Parlamentin Evropian.
 

Last modified: 16 Gusht, 2022