Integrimi Evropian

Integrimi Evropian

Konferenca përmbyllëse e projektit të binjakëzimit për vlerësimin e kapaciteteve

11 Prill, 2014

Prishtinë 11, prill 2014 – Ministria e Integrimit Evropian organizoi konferencën përmbyllëse të projektit të binjakëzimit për vlerësimin e kapaciteteve ndërmjet Ministrisë së Integrimit Evropian të Qeverisë së Kosovës dhe Ministrisë së Ekonomisë të Qeverisë së Gjermanisë. Të pranishëm në konferencën e organizuar nga Minstrja Vlora Çitaku ishin,  Ambasadori Gjerman në Kosovë. z. Peter Blomeyer, Shefi për Çështje Politikë, Ekonomi dhe Integrim Evropian në Zyren e Komisionit Evropian në Kosovë, z. Thomas Gnocchi dhe delegacioni i ekspertëve nga Ministria e Ekonomisë të Qeverisë së Gjermanisë. Në shtator vitit të kaluar, Ministria e Integrimit Evropian në bashkëpunim me Komisionin Evropian ka lansuar projektin për vlerësimin e kapaciteteve të administratës qendrore, respektivisht të Departamenteve për Integrim Evropian dhe Koordinim të Politikave dhe Departamenteve Ligjore në ministritë e linjës. Projekti është implementuar përmes binjakëzimit të Ministrisë së Integrimit Evropian me Ministrinë e Ekonomisë të Qeverisë Gjermane. Projekti ka bërë një analizë të boshllëqeve dhe nevojave të  kapaciteteve profesionale të administrates së Kosovës dhe ka propozuar planet e rekrutimit dhe planet për ngritje të kapaciteteve të stafit egzistues. Projekti është implementuar gjatë një periudhe 8 mujore, me ç’rast janë realizuar 25 misione të ekspertëve, janë përfshirë më shumë se 200 zyrtarë të ministrive, janë realizuar 130 teste me shkrim, janë analizuar afro 2,500 pyetje dhe përgjigje dhe janë realizuar më shumë se 500 orë intervista. Në fjalimin e saj, Ministrja Çitaku tha: “Reformat para nesh, në kuadër të procesit të integrimit evropian, do të vlerësohen bazuar në punën e përditshme të secilit shërbyes civil dhe kontributit të tij dhe saj në përmirësimin e politikave publike. Qeveria e njeh shumë qartë këtë parakusht për të zbatuar reformat. Për këtë qëllim edhe janë rritur pagat e gjyqëtarëve dhe prokurorëve, mësuesëve dhe policëve, shërbyesëve civil dhe mjekëve.Tani është koha kur shërbimi civil duhet të fillon të tregon rezultate konkrete në dizajnimin dhe zbatimin sa më efikas të politikave publike.” Ambasadori Gjerman në Kosovë, z. Peter Blomeyer tha: “Gjermania vazhdon të mbështet Kosovën në kuadër të procesit të integrimit Evropian. Projekti i binjakëzimit i cili përfundon sot është një indikatorë tjetër i mbështetjes tonë për Kosovën. Është gjithnjë e mrekullueshme kur dy vende, një i cili është anëtarë i BE-së dhe një i cili aspiron të jetë anëtarë i BE-së identifikojn projektet e përbashkëta dhe i zbatojn ato përmes binjakëzimit të administrative të tyre. Procesi i integrimit evropian kërkon adaministratë të konsoliduar dhe profesionale për të zbatuar rregullat e BE-së prandaj edhe për neve ky projekt ka pasur një rëndësi të veçantë në kuadër të bashkëpunimit tonë bilateral.” Z. Thomas Gnocchi, Shef i Njësitit për Politikë, Ekonomi dhe Integrim Evropian tha se: ”Shpresojmë që BE-ja, përmes këtij projekti të binjakëzimit e ka ndihmuar Kosovën që të bëjë një hap para në procesin e integrimit evropian. Është me rëndësi tani që ministritë kanë krijuar strukturat e përgjithshme që merren me koordinimin e integrimit evropian, planifikimit strategjk dhe zhvillimit të politikave, të përqendrohen në tri çështje që ne i shohim si sfida: të rrisin qëndrueshmërinë e planifikimit strategjik, rrisin kapacitetet e ministrive që të zhvillojnë dhe implementojnë politika dhe të zhvillojnë mekanizma dhe kapacitete për transponimin e legjislacionit të BE-së në ligjet vendore”.

Last modified: 12 Gusht, 2022

4 Responses to " Konferenca përmbyllëse e projektit të binjakëzimit për vlerësimin e kapaciteteve "

  1. … [Trackback]

    […] Read More on that Topic: integrimievropian.rks-gov.net/konferenca-permbyllese-e-projektit-te-binjakezimit-per-vleresimin-e-kapaciteteve/ […]

  2. … [Trackback]

    […] Read More on that Topic: integrimievropian.rks-gov.net/konferenca-permbyllese-e-projektit-te-binjakezimit-per-vleresimin-e-kapaciteteve/ […]

  3. … [Trackback]

    […] Find More Information here on that Topic: integrimievropian.rks-gov.net/konferenca-permbyllese-e-projektit-te-binjakezimit-per-vleresimin-e-kapaciteteve/ […]

  4. … [Trackback]

    […] There you can find 33301 more Info on that Topic: integrimievropian.rks-gov.net/konferenca-permbyllese-e-projektit-te-binjakezimit-per-vleresimin-e-kapaciteteve/ […]

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *