Integrimi i vërtetë duhet të ndodh në komuna jo në Bruksel

Prishtinë, 25 prill, 2014 – Ministrja e Integrimit Evropian, Vlora Çitaku, është duke vazhduar me vizitat nëpër Komunat e Kosovës për të takuar kryetarët e Komunave me qëllim të koordinmit rreth agjendës evropiane, procesit të liberalizimit të vizave dhe bashkërendimit të aktiviteteve zhvillimore për vendin tonë.

Ministrja Çitaku u prit nga kryetarët respektiv të komunave në Kamenicë,Ranillugë dhe Partesh,  për të diskutuar  mundësitë e avancimit të koordinimit dhe bashkëpunimit ndërmjet institucioneve të nivelit qendrorë dhe atij lokal rreth rekomadnimeve dhe detyrimeve që dalin nga raportet e Komisionit Evropian. Theks i veçantë u vu në kriteret e parashtruara për të avancuar me agjendën e integrimit evropian dhe liberalizimit të vizave për shtetasit e  Republikës së Kosovës.

Në këto takime të ndara është  diskutuar  ngritja e nivelit të bashkëpunimit për procesin e riintegrimit të personave të riatdhesuar, trajtimi i dukurisë së migrimit të parregullt, por edhe mundësitë e aplikimit në projekte në kuadër të Instrumentit të Para Anëtarësimit (IPA). Njëkohësisht, temë e këtyre takimeve ishin edhe modalitetet për akomodimin në administratën komunale të bursistëve nga programi Skema e Profesionistëve të Rinjë ” Young Cells Scheme”, projekt ky në bashkëpunim me Ministrinë e Integrimit Evropian dhe Komisionin Evropian.

“Është në interesin e të gjithëve që të përmbushim kriteret që kërkon BE-ja për integrim, sepse integrimi evropian i Kosovës bëhet  këtu në komunat tuaja , e gjetiu, duke i kryer detyrat që na takojnë dhe jo në Bruksel, Berlin, Paris”, theksoi  ministrja Çitaku.

Poashtu, ministrja Çitaku ka premtuar ndihmën e ministrisë për t’u përballur me sfidat e riatdhesimit të qytetarëve në komunat e tyre, si dhe do të angazhohet në nivel qeveritar për përmirësimin e kushteve ligjore për zhvillim ekonomik, dhe në kuadër të kësaj për krijimin e klimës më të mirë për investitorët.

Last modified: 12 Gusht, 2022