Drejt përmbylljes së negociatave për MSA-në

Bruksel, 1 prill. 2014 – Në kuadër të intensifikimit dhe konkretizimit të agjendes evropiane të Republikës së Kosovës, sot në Bruksel Ministrja e Integrimit Evropian, Vlora Çitaku dhe Ministri i Punëve të Jashtme, Enver Hoxhaj takuan Komisionerin për Zgjerim z. Štefan Füle.

Në kuadër të takimit u diskutuan hapat e radhës në kuadër të përmbylljes së procesit negociator të Marrëveshjes së Stabilizim Asociimi, procesi i liberalizimit të vizave dhe përmbushja e prioriteteve afatmesme të Studimit të Fiziblitetit.

Gjatë takimit u konfirmua progresi i konsiderueshëm drejt përfundimit të negociimit të Marrëveshjes së Stabilizim Asociimi dhe u dakorduan hapat e ardhshëm në drejtim të përmbylljes zyrtare të procesit negociator dhe inicializimit të marrëveshjes. Në veçanti, u diskutuan përgatitjet për takimin e fundit të Kryenegociatorëve që njëherësh do të shënon përfundimin zyrtar të procesit negociator.

Komisioneri dhe Ministrat poashtu diskutuan ecurinë në kuadër të procesit të liberalizimit të vizave, me fokus të veçantë në rezultatet e misioneve vlerësuese, si dhe veprimet e institucioneve tona në kuadër të zbatimit të rekomandimeve të fundit të dalura nga misionet vlerësuese të Komisionit Evropian.

Në kuadër të zbatimit të reformave të parapara me kriteret afatmesme për Marrëveshjen Stabilizim Asociimi, Ministrat e njoftuan Komisionerin për progresin e bërë në kuadër të 8 fushave të identifikuara në Studimin e Fizibilitetit, me fokus të veçantë në reformen zgjedhore, sundimin e ligjit dhe reformen e administrates publike.

Last modified: 15 Gusht, 2022