Zëvëndës Ministri Kasapolli në Konferencën në Stamboll për Impaktin e BE-së në Ballkan, si kusht për Demokracinë dhe Sigurinë

Stamboll, 7 qershor 2013 – Zëvëndës Ministri i Integrimit Evropian, Z. Gëzim Kasapolli ishte i ftuar në konferencën në Stamboll të Organizuar nga Ministria për Çështje Evropiane e Qeverisë së Turqisë; për Impaktin e BE-së në Ballkan, si kusht për Demokracinë dhe Sigurinë.

Zëvendës Ministri Kasapolli pjesëmarrësve ju drejtua me fjalët se “Kosova është mirënjohëse popullit dhe Qeverisë Turke për ndihmën e dhënë në kohën kurë Kosovës ju duhej më së shumti nidhmë. Poashtu, edhe në periudhën e shtet ndërtimit, Turqia ishte pranë Kosovës”.

Rreth temës në fjalë Zëvëndës Ministri vazhdoi për të thënë se “Tema e Integrimit Evropian është bërë një objektiv strategjik i Ballkanit Perëndimor. Integrimi Evropian është bërë një sinonim i suksesit, zhvillimit, demokracisë, të drejtave të njeriut dhe sundimit të ligjit. Çdo vend në rajon aspiron për të arritur këto vlera jo për hir të integrimit në BE, si një akt përfundimtar në vetvete, por për mirëqenien e qëndrushme të qytetarëve tanë, por  edhe për ti kontribuar paqes dhe sigurisë në rajon.

Kosova është e ndërtuar mirë politikisht dhe nga zemra dhe mendja e qytetarëve është në rrugën e sajë drejt BE-së. Ne përpiqemi për të sjellë Europën në Kosovë dhe me këtë kemi sjellë Kosovën në Evropë në të njëjtën kohë. Për të realizuar këtë ëndërr ka një angazhim të madhë politik nga lidershipi politik i Kosovës, për të përshpejtuar procesin sa më shumë të jetë e mundur. Ne jemi të gjithë të lumtur se ekziston një vullnet politik nga BE-ja për një perspektivë të qartë të BE-së për rajonin në përgjithësi”, tha ndër të tjera Zëvëndës Ministri Kasapolli.

Last modified: 16 Gusht, 2022