Vjenë, 29 Janar 2019 – Në Vjenë, Ministrja e Integrimit Evropian, Dhurata Hoxha, ka takuar Ministrin e BE-së, Art, Kulturë dhe Media të Austrisë, z. Gernot Blümel me të cilin diskutoi për procesin integrues të Kosovës dhe në veçanti rëndësinë e vendimit për liberalizimin e vizave për qytetarët e Kosovës nga BE-ja pas plotësimit të të gjitha kritereve.
Ministrja Hoxha theksoi se mbështetja e Austrisë është tejet e rëndësishme për Kosovën dhe institucionet e saj.
“Ne kemi dëshmuar përkushtimin tonë se duam të zbatojmë reformat, MSA-në, fuqizimin e sundimit të ligjit dhe ngritjen e cilësisë së jetës së qytetarëve tanë, ne kemi nevojë për përkrahjen e procesit integrues si dhe integrimin në organizatat ndërkombëtare, por në veçanti kemi nevojë që BE të mbajë fjalën e dhënë e të mos mbajë të izoluar qytetaret tanë, ceku ministrja Hoxha duke kërkuar serish përkrahjen e Austrisë për procesin e vendimmarrjes për liberalizimin e vizave.
Z. Gernot Blümel, Ministër për BE-në, Art, Kulturë dhe Media të Austrisë, vuri në dukje përkrahjen e Austrisë për procesin integrues. Ai e rikonfirmoi përkushtimin e Austrisë për liberalizimin e vizave për kosovarët, zgjerimin e BE-së në Ballkanin perëndimor, ku Kosova trajtohet e barabartë me vendet tjera në rajon. – See more at: https://www.mei-ks.net/sq/lajmet-mei/ministrja-hoxha-n-takim-me-homologun-austriak-merr-prkrahje-pr-liberalizimin-e-vizave#sthash.EWRKwKZv.dpuf
Last modified: 5 Gusht, 2022
