Migrimi ilegal dëmton procesin e liberalizimt të vizave

Prishtinë  22. shtator 2014 – Ushtruesi i Detyrës së Ministrit të Integrimit  Evropian, z. Gëzim Kasapolli, priti sot në takim Ambasadorin Hungarez,z Lóránt Balla.

Në takim me z. Balla , u.d. Ministri Kasapolli foli për zhvillimet më të fundit në Kosovë, proceset aktuale në raport me integrimin evropian, inicializimin  e Marrëveshjes së Stabilizim Asociimit (MSA), procesin  e liberalizimit të vizave , si dhe  migrimin ilegal.

Me theks të veqant në takim u diskutua shqetësimi i përbashkët, i rritjes së numrit të azilkërkueve nga Kosova, të cilët kanë hyrë ilegalisht në territorin e Hungarisë.

Kasapolli dhe Ambasadori Hungarez z.Balla u pajtuan që kosovarët nuk kualifikohen për azilkërkues në vendet e BE-së pasi Kosova nuk konsiderohet vend i krizave ku të drejtat themelore i’u cenohen individëve të cilësdo përkatësi etnike, religjioze apo gjinore.

Migrimi ilegal është armiku më madh i liberalizimit të vizave.  Të gjithë personat që bien pre e mashtrimeve, të trafikantëve me qenje njerzore duke tentuar që të migrojnë në vendet e BE-së, rrezikojnë sigurinë e tyre personale, shpenzojnë mjete të panevojshme dhe përfundojnë në qendra për azilkërkues të cilët në një afat shumë të shpejtë do të riatdhesohen në Kosovë dhe do t’ju ndalohet hyrja në zonën shengen për 3-5 vitet e ardhshme” tha u.d.Ministri Kasapolli.

Ambasadori Hungarez në Kosovë, tha se duhet bashkëpunim i afërt me institucionet e Kosovës, dhe Hungarisë  por edhe shteteve anëtare të BE-së për ta luftuar së bashku këtë dukuri, e cila është pjesë e krimit të organizuar.

Last modified: 12 Gusht, 2022