Kasapolli vlerëson përkrahjen e Finlandës për Kosovën

Prishtinë, 14 tetor  2014 – u.d. Ministri i Integrimit  Evropian të Kosovës  z.Gëzim Kasapolli priti sot në një takim  Ambasadoren e Finlandës në Prishtinë znj. Anne Meskanen.

Në takim u diskua për marrëdhëniet bilaterale ndërmjet dy vendeve,  avancimin e perspektivës evropiane të Kosovës, si dhe të gjeturat e fundit nga  Raporti i Progresit për Kosovën.

u.d.Ministri  Kasapolli  nenvizoj se  Strategjia e Zgjerimit ka konfirmua progresin e arrtiur në përmbylljen e negociatave për Marrëveshjen Stabilizim Asociimin si dhe progresin drejt përmbylljes së procesit të liberalizimit të vizave.

Poashtu Ministri Kasapolli  veçoi rëndësinë që kanë MSA-ja dhe  procesi i  liberalizimit të vizave  për Kosovën. “Qeveria e Kosovës konsideron jashtëzakonisht të rëndësishme faktin që Strategjia e Zgjerimit dhe Raporti i Progresit kanë ri-konfirmuar agjenden Evropiane të Kosovës, në termat konkret, përmes vazhdimit të mbështetjes të dy proceseve kyçe: Marrëveshjes Stabilizim Asociimi dhe procesit të liberalizimit të vizave” tha Kasapolli gjatë këtij  takimi.

Nga ana tjeter Ambasadorja  e Finlandës në Prishtinë znj. Anne Meskanen rikonfirmoj mbështetjen e  Finlandës  për Kosovën në proceset integruese.

Last modified: 12 Gusht, 2022