Fillimi i ‘Projektit të binjakzimit’ ngritja e kapaciteteve për hetime penale kundër krimit të organizuar dhe korrupsionit.

Prishtinë, 3 prill. 2014 – Fjalimi i ministres Çitaku nga takimi për fillimin e “Projektit të binjakzimit”ngritja e kapaciteteve për hetime penale kundër krimit të organizuar dhe korrupsionit.

Kam kënaqësinë të jem sot në mesin tuaj për të shënuar fillimin e projektit „Forcimi i kapaciteteve për hetime penale kundër krimit të organizuar dhe korrupsionit”, i cili ka për qëllim ngritjen e mëtutjeshme të kapaciteteve vendore në luftimin e dukurive negative të cilat cenojnë sigurinë dhe mirëqenën e qytetarëve të Kosovës, rajonit por edhe më gjerë.

Lufta kundër Krimit të Organizuar dhe Korrupsionit është një ndër prioritetet e Qeverisë dhe shoqërisë Kosovare dhe si të tillë kemi shpallë zero tolerancë ndaj të gjithë atyre që gjinden në anën e gabuar të ligjit.
Qeveria e Kosovës, në bashkëpunim të ngushtë me agjencitë përgjegjëse në luftimin kundër krimit të organizuar dhe korrupsionit tashmë kanë ndërmarrë një mori veprimesh të cilat për qëllim kanë luftimin e dukurive negative.

Për të qenë efikas ne kemi ngritë dhe zhvilluar kapacitetet e Policisë së Kosovës dhe si të tillë kemi arrit të fitojmë besimin e qytetarëve, nuk është e rastësishme që Policia e Kosovës tash e sa vite identifikohet nga qytetarët e Kosovës si institucioni më i besueshëm. Për më tepër, edhe vlerësimet e ndryshme të agjencive dhe institucioneve ndërkombëtare dëshmojnë për një profesionalizëm dhe seriozitet të  Policisë së Kosovës. E kjo së pari është meritë e të gjithë pjestarëve të policisë së Kosovës dhe menaxhmentit të saj.

Një ndihmë e veçantë, e të cilën e çmojmë shumë, e kanë dhënë partnerët tanë ndërkombëtarë, të cilët kanë ndihmuar në zhvillimin e Policisë së Kosovës, marrjen e kompetencave dhe ndërmarrjen e hetimeve komplekse në luftimin e krimit të organizuar dhe korrupsionit.

Ndihma e tyre ka kontribuar që tashmë të kemi një Polici të pavarur, efikase dhe të vendosur e cila është e gatshme të garantojë sigurinë dhe rendin publik në tërë territorin e Kosovës.

Sidoqoftë, kemi ende shumë për të bërë, dhe jemi të vetëdijshëm që na presin sfida tjera me të cilat jemi duke u ballafaquar dhe me të cilat do të ballafaqohemi edhe në të ardhmen. Për këtë arsye ngritja e vazhdueshme e kapaciteteve është përgjegjësi dhe obligim, e për të siguruar një ngritje të vazhdueshme të kapaciteteve është më se i rëndësishëm bashkëpunimi ndërinstitucional, rajonal dhe ndërkombëtarë.

Për këtë arsye edhe jemi duke punuar në rrafshin e integrimit të strukturave të sigurisë në organizata ndërkombëtare të cilat kanë për qëllim të përmirësojnë dhe sigurojnë rezultate sa më pozitive në luftën kundër krimit të organizuar dhe korrupsionit.

Zonja dhe zotërinj, 

Sundimi i ligjit kërkon aftësi, resurse dhe përkushtim, për këtë arsye na nevojitet të kemi projekte përkrahëse të cilat na ndihmojmë që ti ngrisim kapacitetet tona dhe të arrijmë sa më shumë.

Pra, së pari duhet të konsolidojmë të gjitha institucionet relevante që merren me sundim të ligjit, pasi që nuk mjafton një polici profesionale pa një Prokurori të shtetit apo pa një gjyqësor efikas dhe të pavarur. Të gjitha këto institucione, në të ardhmën duhet qenë edhe më proaktiv dhe duhet siguruar një qasje të ngushte të koordinimit dhe bashkëpunimit ndërinstitucional.

Ne nuk kemi luksin të jemi reaktiv, përkundrazi ne duhet të jemi proaktiv, ne duhet përqendruar vëmendjen, kapacitete dhe resurset tona në parandalimin e veprave kriminale e posaçërisht në hetimin, gjykimin dhe dënimin e kriminelëve të cilët e dëmtojnë vendin tonë.
Për këtë arsye jam më se e bindur që konsorciumi aktual i këtij projekti të Komisionit evropian është adekuat për të na përkrah në këtë qëllim.

Ju faleminderit,

 

Last modified: 15 Gusht, 2022