Ministrja Ahmetaj pranon letër urimi nga Zëvendës Kryeministri Belg Didier Reynders

Prishtinë, 28 shkurt 2017 – Ministrja për Integrim Evropian, znj. Mimoza Ahmetaj priti sot në takim Shefin e Zyrës Belge në Kosovë z. Jean Louis Servais.

Gjatë takimit u diskutua për gjendjen aktuale në Kosovë, respektivisht zhvillimet më të fundit me agjendën evropiane si; avancimi me zbatimin e marrëveshjes së Stabilizim Asociimit,  Agjendën Evropiane të Reformave, procesin e Liberalizimit të Vizave dhe programet e BE-së që tani Kosova është mjaftë e fokusuar në debat me publikun e gjerë që të përcaktohet për programet në të cilat mund të përfitoj më së miri.

Ministrja Ahmetaj theksoi vullnetin e Qeverisë së Republikës së Kosovës për të forcuar bashkëpunimin me Belgjiken në të mirën e zhvillimit të Kosovës dhe përfarimit të vendit me Bashkimin Evropian.

Me këtë ministrja Ahmetaj pranoi një letër urimi për marrjen e detyrës së re të Ministres së Integrimit Evropian nga, Zëvendës Kryeministri dhe Ministri i Jashtëm dhe Çështjeve Evropiane në Mbretërinë e Belgjikës, Z. Didier Reynders. Në letrën e urimit Zëvendës Kryeministri Reynders potencon njohuritë dhe përvojën e mirë që ka marrë Ministrja Ahmetaj gjatë qëndrimit në Bruksel, përvojë të cilën e cilëson si mjaftë të vlefshme për Kosovën në këtë kohë.

Ndërsa, Shefi i Zyrës Belge në Kosovë, z. Servais u interesua për proceset kyçe në të cilat është koncentruar Misnitria e Integrimit Evropian dhe ofroi përkrahjen e Belgjikës për të nidhmuar në këtë process pasiqë, e sheh shumë të rëndësishëm avancimin e Kosovës në Agjendën Evropiane. Njëkohësisht, potencoi rëndësinë e fushatës që MIE ka filluar me fushatën për informim për të rritur nivelin e njohurive të qytetarëve për të pasur një shoqëri të mirë informuar për proceset që është duke kaluar vendi.

Z. Servais, shprehu gatishmërinë e Qeverisë së Belgjikës për zgjërim të bashkëpunit me institucionet e Kosovës për të avancuar me reformat dhe agjendën Evropiane. Belgjika beson fuqishëm në integrimine  tërë rajonit në Bashkimin Evropian për të ardhme më të sigurt.

Last modified: 10 Gusht, 2022