Integrimi Evropian

Integrimi Evropian

Vazhdon bashkëpunimi Kosovë – Kroaci në kuadër të përgatitjeve intenzive për MSA

28 Qershor, 2013

Prishtinë, 27-28 qershor 2013 – Nën organizimin e Ministrisë së Integrimit Evropian, me mbështetje të Programit për Zhvillim të Kombeve të Bashkuara (UNDP), zyra në Kosovë, është mbajtur më 27-28 qershor 2013 seminari mbi përvojën e Kroacisë në negocimin e Marrëveshjes së Stabilizim Asociimit, me fokus në çështjet e punëve të brendshme dhe drejtësisë.

Seminari u hap nga Zëvendës Ministri i Ministrisë së Integrimit Evropian, z. Gëzim Kasapolli, i cili në hapje tha: “Jemi shumë pranë vendimit të Këshillit Evropian për nisjen e negociatave për MSA. Sidoqoftë, përkundër rëndësisë historike të këtij vendimi, ky është vetëm fillimi. Fillimi i një procesi të gjatë dhe kompleks të reformave evropiane. Jemi me fat që kemi mbështetjen e miqve tonë nga Republika e Kroacisë të cilët si anëtarë më të rinj të BE-së, gjithnjë kanë shpreh gatishmërinë dhe vullnetin për të ndarë me neve përvojën e tyre. Poashtu, e falënderoj UNDP-n, zyrën në Kosovë, për mbështetjen në organizimin e këtij seminari.”

Gjatë seminarit dy ditor u diskutua mbi përmbajtjen e Marrëveshjes së Stabilizim Asociimi, me fokus në çështjet e punëve të brendshme dhe drejtësisë, duke përfshirë këto fusha: sfidat gjatë negociatave për kapitujt 23 dhe 24, reforma gjyqësore dhe politikat kundër korrupsionit, bashkëpunimi gjyqësor  për çështje civile dhe penale, të drejtat themelore dhe minoritetet, kufijtë e jashtëm dhe hapësira Schengen, etj.

Gjatë seminarit kanë ligjeruar disa nga personat kyç të procesit të integrimit evropian të Kroacisë: znj. Gordana Demšer, Kryenegociatorja për kapitulin 23, znj. Nataša Djurovic, Zëvendës Shefja e Zyrës për Luftimin e Krimit të Organizuar dhe Korrupcionit, z. Filip Dragovic, ish Ndihmës Ministër i Punëve të Brendshme dhe kryenegociator i kapitullit 24, etj.

Në këtë seminar kanë marr pjesë përfaqësues të ministrive dhe institucioneve të pavarura nga fusha e drejtësisë dhe punëve të brendshme.

Last modified: 16 Gusht, 2022

4 Responses to " Vazhdon bashkëpunimi Kosovë – Kroaci në kuadër të përgatitjeve intenzive për MSA "

  1. … [Trackback]

    […] Find More Info here on that Topic: integrimievropian.rks-gov.net/vazhdon-bashkepunimi-kosove-kroaci-ne-kuader-te-pergatitjeve-intenzive-per-msa/ […]

  2. … [Trackback]

    […] Info on that Topic: integrimievropian.rks-gov.net/vazhdon-bashkepunimi-kosove-kroaci-ne-kuader-te-pergatitjeve-intenzive-per-msa/ […]

  3. Samui muay thai thotë:

    … [Trackback]

    […] Read More on to that Topic: integrimievropian.rks-gov.net/vazhdon-bashkepunimi-kosove-kroaci-ne-kuader-te-pergatitjeve-intenzive-per-msa/ […]

  4. … [Trackback]

    […] There you will find 84584 additional Info on that Topic: integrimievropian.rks-gov.net/vazhdon-bashkepunimi-kosove-kroaci-ne-kuader-te-pergatitjeve-intenzive-per-msa/ […]

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *