Prishtinë, 10 maj 2016 – Ministri i Integrimit Evropian z.Bekim Çollaku, ka pritur sot në takim ish diplomatin dhe ish Përfaqësuesin Civil Ndërkombëtar dhe Përfaqësuesin Special të Bashkimit Evropian në Kosovë z.Pieter Feith.
Ministri Çollaku duke e cilësuar z.Feith si mik të Kosovës e ka falënderuar për punën e tij në Kosovë duke kontribuar në proceset shtetëndërtuese si dhe përmbylljen e mbikëqyrjes së pavarësisë së vendit.
Ministri e ka informuar Z. Feith për zhvillimet në Kosovë që nga përfundimi i pavarësisë së mbikëqyrur në 2012, me theks të veçantë në përparimet që vendi i ka bërë në rrugën e vetë euroatlantike.
Gjatë takimit bashkëbiseduesit kanë diskutuar edhe për hapat e ardhshëm në agjendën evropiane të Kosovës.
Last modified: 10 Gusht, 2022
