Bruksel, 19 nëntor 2015 – Edhe sot kanë vazhduar takimet e delegacionit kosovarë, pjesë e të cilit është ministri i Integrimit Evropian, z. Bekim Çollaku, me përfaqësues të lartë të institucioneve të BE-së në Bruksel.
Delegacioni i Kosovës ka zhvilluar takime të ndara me presidentin e Komisionit Evropian z. Jean Claude Juncker dhe komisionerin për Punë të Brendshme z. Dimitris Avramopulos.
Palët kanë diskutuar për të gjitha çështjet e rëndësishme të interesit të përbashkët duke përfshirë zhvillimet aktuale në BE, situatën aktuale në Kosovë dhe sfidat e përbashkëta në luftën kundër terrorizmit dhe ekstremizmit.
Temë kryesore e takimeve ishte diskutimi dhe dakordimi lidhur me hapat e fundit procedural të përmbylljes së procesit të liberalizimit të vizave.
Last modified: 11 Gusht, 2022
