Në vazhdën e takimeve në Bruksel, Kryenegociatori me BE-në, z. Jeton Zulfaj, pati kënaqësinë të takohet me eurodeputetin nga Suedia, z. Adnan Dibrani.
Kosova ka gjetur vazhdimisht mbështetje te deputeti Dibrani, tash edhe në parlamentin Evropian. Gjatë takimit u diskutua për marrjen e statusit të vendit kandidat për Kosovën, si dhe për rëndësinë e angazhimit dhe mbështetjes së Parlamentit Evropian në avancimin e këtij procesi.
Kryenegociatori Zulfaj shprehu mirënjohjen për kontributin dhe angazhimin e eurodeputetit Dibrani në mbështetje të Kosovës dhe rrugëtimit të saj drejt anëtarësimit në Bashkimin Evropian.
