Me rastin e përfundimit të mandatit të saj në Kosovë, Kryenegociatori i Republikës së Kosovës me Bashkimin Evropian, z. Jeton Zulfaj priti në takim lamtumirës shefen e Zyrës Ndërlidhëse Greke në Kosovë, Ambasadoren znj. Heleni Vakali.
Kryenegociatori Zulfaj e falënderoi Ambasadoren Vakali për kontributin e saj në forcimin e marrëdhënieve ndërmjet Kosovës dhe Greqisë.
Z. Zulfaj i shprehu mirënjohjen për bashkëpunimin gjatë mandatit të saj, për mbështetjen e Kosovës në procesin e anëtarësimit në Bashkimin Evropian dhe i uroi Ambasadores Vakali suksese në angazhimet e saj të ardhshme.
