Integrimi Evropian

Integrimi Evropian

Ministrja Çitaku dhe Drejtori i Përgjithshëm Danielsson diskutojnë agjendën Evropiane të Kosovës

5 Shkurt, 2014

Prishtinë, 5 shkurt 2014 – Sot Ministrja e Integrimit Evropian, znj. Vlora Çitaku priti në takim z. Christian Danielsson, Drejtorin e Përgjithshëm të Zgjërimit të Komisionit Evropian.

Në konferencën për shtyp Ministrja Çitaku ju drejtua mediave me fjalët hyrëse se: ”Lidhur me Marrëveshjen e Stabilizim Asociimit dua të shpreh kënaqësinë që procesi negociator është duke u zhvilluar me një intensitet të lartë dhe jemi duke ju ofruar përmbylljes së këtij procesi në përputhje me afatet e parapara. Gjatë javës së ardhshme do të mbahet raundi i dytë i negociatave në nivel të grupeve teknike, me ç’rast pres që të finalizohen pothuaj të gjitha detajet teknike e negociatave. Kjo do të hapë rrugë për takimin e ardhshëm të kryenegociatorëve dhe përmbylljen e procesit negociator”.

Poashtu, Ministrja potencoi se: “Z. Danielsson e njoftova rreth masave që institucionet tona janë duke ndërmarrë në kuadër të Planit të Veprimit për Liberalizimin e Vizave, dhe se presim që dialogu për procesin e liberalizimit të vizave të intensifikohet në muajt në vijim. Shpresojmë që në javët në vijm të zhvillojmë pjesën e mbetur të misionit vlerësues që ka filluar në dhjetor dhe ta kurorizojmë me një raport real i cili do ti identifikoj të gjitha të arriturat e institucioneve të Kosovës”.

Poashtu, me këtë rast u potencua planifikimi i asistences së Bashkimit Evropian për Kosovën për 7 vitet e ardhshme. Ndër të tjera Ministrja bëri me dije se: ”Vetëm përmes Instrumentit të Para Anëtarësimit, Kosova do të përfiton afro 500 milion euro gjatë 7 viteve të ardhshme. Është me rëndësi që këto mjetet financiare të shpenzohen në përputhje me prioritetet e institutioneve të Kosovës dhe në harmoni me prioritetet e agjendes evropiane”.

Nga ana e tijë z. Christian Danielsson tha se: “Ne patëm një takim mjaft konstruktiv ku u fokusuam në hapat e ardhshëm rreth negociatave për MSA-në. Unë nënvizova rënëdësinë që Kosova të vazhdoj me reformat e nevojshme ne fushën e Sundimit të Ligjit, Luftën kundër korrupsionit dhe krimit të organizuar. Ne do të ndihmojmë Qeverinë e Kosovës në përpjekjet e tyre për qeverisje ekonomike më të mirë dhe administrate publike efikase dhe do të kemi instrumente të rëndësishme të IPA-s për të realizuar këtë”.     

Sa i përket procesit të liberalizimit të vizave, Ministrja Çitaku dhe Drejtori i Përgjithshëm Danielsson konkluduan se ky është një proces i bazuar në zbatimin e kritereve dhe nuk është i bazuar në data apo afate kohore.

 

Last modified: 15 Gusht, 2022

One Response to " Ministrja Çitaku dhe Drejtori i Përgjithshëm Danielsson diskutojnë agjendën Evropiane të Kosovës "

  1. 뉴토끼 thotë:

    … [Trackback]

    […] Read More to that Topic: integrimievropian.rks-gov.net/ministrja-citaku-dhe-drejtori-i-pergjithshem-danielsson-diskutojne-agjenden-evropiane-te-kosoves/ […]

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *