Prishtinë, 27 mars 2014 – Ministrja e Integrimit Evropian Vlora Çitaku , priti në takim lamtumirës Ambasadorin e Zyrës Ndërlidhëse Greke Dimitris Moschopoulos
Gjatë takimit, ministrja Çikatku vlerësoi lartë kontributin e ambasadorit Moschopoulos gjatë misionit në Kosovë.
Ministrja Çitaku tha se ambasadori i zyrës ndërlidhëse ka qenë një mbështetës i Kosovës, duke e falënderuar për angazhimin dhe për mbështetjen që i ka dhanë Kosovës gjatë misionit të tij diplomatik në Kosovë, përfshirë edhe mbështetjen e dhënë në krijimin e kushteve më të mira për bashkpunimin rajonal dhe konsolidim të marrëdhënjeve bilaterale.
Ambasadori i Zyrës Ndërlidhëse Greke Dimitris Moschopoulos , ka shprehur mirënjohje për institucionet dhe për gjithë popullin e Kosovës për pritjen që i kanë bërë gjatë misionit të tij në Kosovë.
Dua të falënderoj ministren e Integrimit Evropian znj.Vlora Çitaku, për bashkëpunimin e shkëlqyer që kemi pas në këto vite, të cilat kanë qenë shumë intensive dhe shumë dinamike” tha ambasadori Moschopoulos.
