1. Përshkrimi i Përgjithshëm
Zyra për Koordinimin e Procesit të Stabilizim–Asociimit është njësi organizative e Zyrës së Kryeministrit, e cila ka përgjegjësi për koordinimin e procesit të stabilizim–asociimit, përkatësisht:
- Planifikimin dhe monitorimin e politikave për zbatimin e reformave për integrim evropian;
- Raportimin tek Bashkimi Evropian (BE) mbi zbatimin e reformave;
- Koordinimin e dialogut të reformave me BE-në dhe strukturat ndër–institucionale kombëtare për integrim evropian.
2. Funksionet Kryesore
Zyra ushtron funksionet e saj përmes:
2.1. Koordinimit të hartimit të dokumenteve kryesore kombëtare për zbatimin e reformave për integrim në BE;
2.2. Monitorimit të zbatimit të reformave;
2.3. Koordinimit të dialogut të reformave me BE-në duke ofruar mbështetje profesionale për:
- Komitetin e Stabilizim–Asociimit BE – Kosovë;
- Këshillin e Stabilizim–Asociimit (nën udhëheqjen e MPJD-së);
- Këshillin Ministror për Integrim Evropian;
- Komitetin Punues për Integrim Evropian;
- Struktura të tjera negociuese për anëtarësim në BE.
2.4. Koordinimit të raportimit të rregullt tek Komisioni Evropian mbi progresin e reformave.
3. Struktura Organizative
Në kuadër të Zyrës për Koordinimin e Procesit të Stabilizim–Asociimit funksionojnë:
- Divizioni për Koordinimin Horizontal të Procesit të Stabilizim–Asociimit;
- Divizioni për Koordinim Institucional.
