Prishtinë, 7 Mars 2019 – Ministrja e Integrimit Evropian, Dhurata Hoxha, ka pritur në takim, përfaqësueset e Shoqatës së Grave Police të Kosovës, me rastin e festës së 8 Marsit.
Përfshirja e gruas në institucionet e sigurisë, ka shkruar Ministrja, është pjesë e fuqizimit të shtetit dhe shtetësisë tonë.
Ja postimi i Ministres Hoxha në fb:
“Fusha e sigurisë, është fushë tejet e ndjeshme dhe e rëndësishme e veprimtarisë institucionale, andaj, përfshirja e gruas në to, është pjesë e fuqizimit të shtetit dhe shtetësisë tonë.
Takimi me përfaqësueset e Shoqatës së Grave Police të Kosovës, me rastin e festës së 8 Marsit, e vlerësoj si shumë të rëndësishme, ngase policet e Republikës së Kosovës, i kontribuojnë sigurisë dhe është ndër institucionet më të besueshme të vendit tonë.
Police të Kosovës, urime dhe gëzuar 8 Marsi!”
