Prishtinë, 4 qershor 2014 – Ministrja e Integrimit Evropian Vlora Çitaku , ka pritur sot në takim një delegacion nga Organizata e Kombeve të Bashkuara, i cili kryesohej nga z. Edmond Mulet, Sekretari i Përgjithshëm për Operacionet në Departamentin e OKB-së i Operacioneve të Paqeruajtës.
Ministrja Çitaku gjatë këtij takimi ka folur për proceset dhe zhvillimet e përgjithshme në Kosovë, forcimin e vazhdueshëm të subjektivitetit ndërkombëtar, si dhe avancimin e agjendës euro-integruese të Kosovës.
Gjithashtu, Ministrja Çitaku ka shprehur mirënjohjen për përkrahjen që Kombet e Bashkuara kanë dhënë dhe, po vazhdojnë të japin për Republikën e Kosovës, në të gjitha aspektet.
Ndërsa, udhëheqës i delegacionit të OKB-së Edmond Mulet ka vlerësuar progresin që po arrihet në Kosovë.
Po ashtu, z,Mulet, ka shprehur përkrahjen e mëtutjeshme për Republikën e Kosovës në proceset integruese, si dhe në proceset e tjera të rëndësishme për Kosovën.
Në këtë kontekst, Ministrja Çitaku ka theksuar rëndësinë që pas konsolidimit të shtetit të Kosovës në bashkëpunim me partnerët ndërkombëtarë të përmbyllin me sukses misionin e UNMIK-ut në Kosovë.
